Back Església de fusta de Torpo Catalan Torpo stavkirke Danish Stabkirche Torpo German Torpo Stave Church English Iglesia de madera de Torpo Spanish Torpon sauvakirkko Finnish Stavkirke de Torpo French Torpo stavkirke NB Torpo stavkirke Polish Torpo stavkyrka Swedish
| Torpo stavkyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Buskerud | ||
| Kommune | Ål | ||
| Kyrkjesamfunn | Den norske kyrkja | ||
| Bispedøme | Tunsberg | ||
| Prosti | Hallingdal | ||
| Sokn | Torpo | ||
| Fellesråd | Ål | ||
| Periode | mellomalderen | ||
| Arkitekt | Torolf | ||
| Teknikk | stavverk | ||
| Material | tre | ||
| Innvigd | ca. 1160 | ||
| • Vigd til | Den heilage Margareta | ||
| • Endringar | Koret utvida, mellomalderen. Koret rive, 1880. | ||
| Stopul | riven | ||
 Torpo stavkyrkje 60°39′51″N 8°42′30″E / 60.66413889°N 8.70841667°E | |||
| Wikimedia Commons: Torpo stavkirke | |||
Torpo stavkyrkje er ei mastestavkyrkje på Torpo i Ål kommune i Hallingdal i Buskerud fylke. Kyrkja har heva midtrom og er av same type som Borgund stavkyrkje i Lærdal (borgundtypen). Men i motsetnad til Borgund stavkyrkje står Torpo stavkyrkje no utan kor og utan svalgangar kring sjølve kyrkjerommet (skipet). Ei ny kyrkje i laftekonstruksjon med bordkledning, teikna av arkitekt F. von der Lippe, vart reist i 1880 rett nord for stavkyrkja.
Stavkyrkja på Torpo er den einaste stavkyrkja frå mellomalderen i Hallingdal som er teke vare på der ho vart bygd, og er den eine av dei to stavkyrkjene frå mellomalderen i dalen som er att. Den andre, Gol stavkyrkje, står no på Norsk Folkemuseum på Bygdøy i Oslo. Ein kopi av Gol stavkyrkje er bygd på ei tomt i nærleiken av Pers Hotell på Gol, som er langt unna tomta der Gol stavkyrkje stod.
